رمـــــــــــــــــــــز الحـــــــــــــــــــــــــياة
مـــــــــــــــــــــــــرحبا بك فى اكبر تجمع عربى.شاركنا فى احلى تجمع

ثورة 25 يناير

استعرض الموضوع السابق استعرض الموضوع التالي اذهب الى الأسفل

جديد ثورة 25 يناير

مُساهمة من طرف ola في السبت فبراير 05, 2011 2:16 pm

السلام عليكم ورحمة الله وبركاته
بعد أيام كتيرة مش موجوده معاكم في المنتدى
أحب أرجع ونسجل مع بعض للتاريخ يمكن يجي اليوم ونقول لاولادنا
اقرأوا من منتدانا
كلنا سمعنا عن مجموعة شباب في موقع للتواصل الاجتماعي والشات اسمه facebook ان في مسيرات يوم الثلاثاء 25 يناير 2011وطبعا ده كان يوم اجازة رسمية باعتباره عيد للشرطة

ومع وجود اجازة رسمية خرج الجموع المؤلفة في مسيرات سلمية
وقالوا مطالبهم انهم عايزين :
1. يسقطوا النظام اللي فيه فساد.
2. وعايزين عيشة كريمة .
3. وعايزين حل للبطالة اللي بيعانو منها .
4. ونفسهم يلاقوا تعليم افضل صحة افضل و و و و و افضل


وقالوا مطالبهم في سلام ، وكانوا منتظرين أن صوتهم يوصل
وحد من المسئولين في الدولة يقول احنا سمعنا صوت الشباب اللي خرج في مسيرات سلمية وبينادي بحقه
مش كل قطاعات الدولة كانت بتنادي أعرف حقك
ولما عرفنا حقوقنا ونادينا بها قوبلنا باللامبالاة وعدم الاستماع إلينا

ففضل الشباب يقولوا احنا هنا احناهنا احنا هنا
وعشان حاولوا يقولو احنا هنا أدام كل المسئولين ومش خافوا انهم يواجهوا اي حاجة في سبيل المطالبة بحقهم أيا كان ما سيواجهونه ؟

واختاروا ميدان التحرير وسط القاهرة ليكون هو مكان التظاهر واللي اصبح كل انظار العالم عليه مش مصر بس


يمكن يكونوا افتكروا تاريخ مر عليهم وعلمهم الصمود علمهم ازاي اللي قبلنا ظلوا يحاولوا كتير اوي عشان يوصلوا لحاجة من حقهم

بس أول ما خرج الشباب وظل صامد ياخد حقه واجهته الذئاب اللي مش عايز حد يعرف يعني ايه حق أو يطالب بيه
خرجوا بقرارات تفيد أن اللي عايز يتظاهر يقف بعيد عن المتظاهرين ويقف في سكوت ومش يرفع صوته ولا يعلق لافته ولا ولا ولا ولا ولا ولا ...........
مع أن الشباب كانوا بيسيروا في مسيرات ورافعين شعارات سلمية سلمية
لكن ازاي بقة حد يكون عارف حقه وبيطالب بيه ازاي؟؟؟؟؟؟؟؟؟
خرج عليهم ناس واضح كده انهم مش بلدنا
اكيد مش من بلدنا
اصل اللي بيحب بلده عمره ما يخرب فيها
عمره ما يغتصب حق غيره
عمره ما يقدر يجرح أخوه
يبقوا ايه أكيد مش من بلدنا
خرجوا على الشباب
رصاصا مطاطي رصاص حي
عربيات الشرطة الكبيرة وجري بين المتظاهرن والشاطر اللي يدوس اكتر
قنابل مسية للدموع منتهية الصلاحية والشاطر اللي يخنق مجموعة اكبر
وغيره وغيره وغيره
بس الحطاية ما خلصتش
كل اللي راح له ابن أخ صديق عم أب أخت ......فضل واقف مكانه عشان ياخد حقه
ويقول انا اخويا كان هنا وراح مني لما قال انا عارف حقي وبدور عليه

ولما اتحد الصحاب والاهل والاصدقاء قام كمان معاهم كل الشعب عمال وموظفين كبار وصغيرين فقرا واغنيا اللي عاطل واللي شغال اللي عارف يجيب لقمة العيش واللي مش عارف
وفضلوا واقفين رغم اللي حصل
راحوا يدفنوا اخواتهم واصحابهم ويرجعوا تاني للميدان
وكانها حرب بدأت والمبدأ نحيا أو لا نحيا بعد الان ؟؟؟

ola
مشرف
مشرف

انثى
عدد المساهمات : 240
نقاط : 3225
السٌّمعَة : 1
تاريخ التسجيل : 15/06/2009

الرجوع الى أعلى الصفحة اذهب الى الأسفل

جديد رد: ثورة 25 يناير

مُساهمة من طرف elbliatshoahtthelord في الأربعاء يونيو 27, 2012 6:47 am

شرح مبسط للثوره ..........جميل وسهل .......انا فخور بمصريتى بسببك واللى زيك...........بلياتشو........

elbliatshoahtthelord
عضو نشيط
عضو نشيط

ذكر
عدد المساهمات : 24
نقاط : 1736
السٌّمعَة : 0
تاريخ التسجيل : 21/06/2012
العمر : 24

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى