رمـــــــــــــــــــــز الحـــــــــــــــــــــــــياة
مـــــــــــــــــــــــــرحبا بك فى اكبر تجمع عربى.شاركنا فى احلى تجمع

ابليس رايح اعارة

استعرض الموضوع السابق استعرض الموضوع التالي اذهب الى الأسفل

ابليس رايح اعارة

مُساهمة من طرف سوسن في الخميس نوفمبر 19, 2009 11:30 am

علي باب سفارة كندا قابلت ابليس
وفي ايده استمارة
قلت له علي فين؟؟
قالي بص يا هجرة يا إعارة
يا عم خلاص زهجت كفرت
ألاقيش معاك سيجارة؟؟
أنا انتهيت خلاص
لا عاد نافع وسواس
ولا خناس
ولا عاد ليه عيش بين الناس
دي عالم مجرمين
عندكو فائض فساد في كل البلاد
مش محتاجين شياطين
مليش عيش في البلد ده
بقينا عاطلين
وانتو بتعرفوا تقلبوا الحق باطل
تسكتوا عن القاتل
وتمشوا في جنازة المقتول ومفيش مشاكل
يا عم ده أنا بقيت أوسوس بالمقلوب
بقيت أقول للحرامي توب
أنت لوحدك هتعمل كل الذنوب؟؟؟

انا ابليس اشتغل واعظ وكمساري في اتوبيس
يا عم من زمان بستنى حد ينسي يسمي وهو بياكل لقمته
دلوقتي اكلكم ملوث
وبصراحة الواحد خايف علي صحته
ده مفيش ضمير اساساً علشان اموته
كل واحد بمزاجه خربانة زمته
يا عم ده كل حاجة اتسرقت
والاجيال الجاية من الحرامية اتظلمت
يا راجل ده من كتر ما لطشت معايا
طلعت في مظاهرة مع الناس
اللي بتقول كفاية
وبرضه مفيش فايده


avatar
سوسن
قلم مميز
قلم مميز

انثى
عدد المساهمات : 158
نقاط : 3057
السٌّمعَة : 0
تاريخ التسجيل : 24/06/2009

الرجوع الى أعلى الصفحة اذهب الى الأسفل

رد: ابليس رايح اعارة

مُساهمة من طرف ???? ??? في الأربعاء نوفمبر 25, 2009 6:38 am

ماشاء الله عليك .حياكى الله..كلام يعبر عن الواقع بس ليس بغريب على قلم يكتب على صفحات الحياه.ننتظر الكثير من سيادتكم
.

???? ???
زائر


الرجوع الى أعلى الصفحة اذهب الى الأسفل

رد: ابليس رايح اعارة

مُساهمة من طرف دمعة حزينة في الأحد ديسمبر 13, 2009 2:45 am

والله عندك حق الحياة أصبحت كدة فعلا بالمقلوب والغريب اننا كل حاجة بنقول الشيطان وهو بقى غلبان أكتر من البشر Twisted Evil

ومازلنا فى انتظار المزيد
avatar
دمعة حزينة
vip المنتدى
vip المنتدى

عدد المساهمات : 28
نقاط : 2867
السٌّمعَة : 0
تاريخ التسجيل : 02/07/2009

الرجوع الى أعلى الصفحة اذهب الى الأسفل

رد: ابليس رايح اعارة

مُساهمة من طرف basaief في السبت يناير 30, 2010 11:31 am

ايه الجمال ده

ياسوسن

حاجة معبرة جداً

واجمل ما فى الموضوع انها فكرة جديدة

نشكرك على جديدك

مع تحياتى

basaief
كاتـــــــــــب مبــــــــــدع
كاتـــــــــــب مبــــــــــدع

ذكر
عدد المساهمات : 176
نقاط : 3038
السٌّمعَة : 0
تاريخ التسجيل : 18/06/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى